იურიდიული თარგმანი მთარგმნელობით საქმიანობაში ერთ-ერთი ყველაზე საპასუხისმგებლო სფეროა. ამას განაპირობებს არამხოლოდ იურიდიული ტერმინოლოგიის სირთულე, არამედ ისიც, რომ თარჯიმანი გარკვეულწილად უნდა ერკვეოდეს სამართლებრივ სისტემებში. ნებისმიერი ცდომილება, ეს იქნება მექანიკური შეცდომა პუნქტუაციაში, არასწორი რიცხვი თუ არასათანადოდ შერჩეული სიტყვა შეიძლება გახდეს სამართლებრივი დავის საგანი.
იურიდიული დოკუმენტის თარგმანი მოითხოვს დიდ ყურადღებას და ტერმინოლოგიის სიზუსტეს, რადგან მასში მრავლად არის გამოყენებული ლათინური ფრაზები, რომლებიც პირდაპირ არ უნდა ითარგმნოს, აგრეთე სპეციფიური ტერმინები, არქაიზმები, სფეროში დამკვიდრებული ფრაზები და ა.შ. თარჯიმანისთვის დიდი გამოწვევაა არ თარგმნოს ტექსტი სიტყვა-სიტყვით, არამედ ზუსტად იცოდეს თითოეული ფრაზის და ტერმინის ეკვივალენტი სამიზნე ენაში, ისე რომ ნათარგმნი ტექსტი მეორე ენის/ქვეყნის კანონმდებლობის კონტექსტში ზუსტად ჩაჯდეს.
ჩვენი იურიდიული თარგმანის დეპარტამენტი მუშაობს ყველა სახის იურიდიულ დოკუმენტზე, მათ შორის:
იურიდიული დოკუმენტის თარგმნისას უმეტესად აუცილებელია ნოტარიულად დამოწმება. მხოლოდ თარჯიმანის ბეჭედი და ხელმოწერა თითქმის არასოდეს არის საკმარისი ორგანიზაციებში წარსადგენად.
იურიდიული თარგმნის შესრულების დროს როგორც წესი იშვიათად არის საკმარისი მხოლოდ თარჯიმნის ხელმოწერა და კომპანიის ბეჭედი. როგორც წესი სასამართლოები, საბანკო და ფინანსური ინსტიტუტები, საიმიგრაციო დაწესებულები და სხვა ოფიციალური ორგანიზაციები ითხოვენ ნოტარიულად დამოწმებულ იურიდიულ დოკუმენტებს.
ნოტარიული დამოწმება
ჩვენი კომპანია გთავაზობთ იურიუდიული საბუთების უმაღლესი სიზუსტით თარგმნას და ნოტარიულად დამოწმებას.
დამატებითი სერვისი
დამატებითი სერვისის სახით, კომპანია გთავაზობთ იურიდიული დოკუმენტების აპოსტილით დამოწმებასა და ლეგალიზაციას.
აპოსტილით დამოწმება
აპოსტილით დამოწმებულ დოკუმენტებს, როგორც წესი, ითხოვენ ევრაზიის, ჩრდილო და სამხრეთ ამერიკის, ოკეანეთის და აფრიკის 125 ქვეყანაში. ასეთ ქვეყნებს განეკუთვნება: აშშ, ბრიტანეთი, ევროკავშირის ქვეყნები, ჩინეთი, ინდოეთი, ავსტრალია და ა,შ.
ლეგალიზაცია
რაც შეეხება, ლეგალიზაციას, ის მოთხოვნილია შუა აღმოსავლეთის და აფრიკის რიგ ქვეყნებში. ლეგალიზაციის პროცესი უფრო შრომატევადი და ხანგრძლივი პროცესია. ჩვენი გუნდის ექსპერტები დაგეხმარებიან სათანადოდ ითარგმნოს და მომზადდეს თქვენი დოკუმენტები სხვა ქვეყნის იურისდიქციაში წარსადგენად.
ჩვენი გუნდი შედგება დარგის მაღალკვალიფიციური სპეციალისტებისგან. მათ აქვთ იურიდიული განათლება და იურიდიულ სისტემაში მუშაობის მრავალწლიანი გამოცდილება.
ჩვენ მიგვაჩნია, რომ იურიდიული დოკუმენტების ზუსტი თარგმნა შეუძლებელია შესაბამისი განათლებისა და პრაქტიკული გამოცდილების გარეშე – იქნება ეს უმაღლესი იურიდიული განათლება, იურიდიულ სფეროში თუ მომიჯნავე დარგში მუშაობის გამოცდილება.
იურიდიული თარჯიმანის კომპანიაში დასაქმებისას ვხელმძრვანელობთ წინასწარ მკაცრად გაწერილი კრიტერიუმებითა და პროფესიული ტესტებით, რომლებიც მათ კომპეტენციას აფასებს შემდეგ საკითხებში: ტერმინოლოგიის სიზუსტე, კანონმდებლობის ცოდნა და შესაბამისი სამუშაო გამოცდილება.
სწორედ ამ სტანდარტების დაცვა უზრუნველყოფს, რომ ნათარგმნი დოკუმენტაცია სრულად და ზუსტად ასახავს დედნისსამართლებრივ შინაარსს.
ჩვენი გუნდის წევრები ფლობენ ნოტარიუსთა პალატის აკრედიტაციას და საერთაშორისო სერტიფიკატებს, მათ შორის ILEC (International Legal English Certificate).
გარდა ამისა, ჩვენი კომპანიის იურიდიული თარჯიმნები მუდმივად გადიან გადამზადებასა და კვალიფიკაციის ასამაღლებ კურსებს სხვადასხვა იურიდიული მიმართულებით. ჩვენი გუნდის მაღალი კვალიფიკაცია და გამოცდილება დადასტურებულია როგორც ადგილობრივ, ასევე საერთაშორისო დონეზე.
ჩვენს კომპანიაში მიღებული ყველა დოკუმენტი მუშავდება უსაფრთხოების წესების მკაცრი დაცვით. გუნდის ყველა წევრს მოწერილი აქვს ხელი NDA ხელშეკრულებაზე და კომპანიაში შემოსულია ინფორმაცია ხელმისაწვდომია მხოლოდ იმ თანამშრომლისთვის, ვინც უშუალოდ მუშაობს კონკრეტული დოკუმენტის თარგმნაზე.
მას შემდეგ, რაც თარჯიმანი გაგიწევთ მომსახურებას ორიგინალი და ნათარგმნი დოკუმენტი დაცულად ინახება ჩვენს უსაფრთხო სერვერზე 1 თვის განმავლობაში, რის შემდეგაც ის ავტომატურად იშლება აღდგენის შესაძლებლობის გარეშე.
იურიდიული ენა გაჯერებულია არქაიზმებითა და ლათინური ფრაზებით. ხშირად, ერთ ქვეყანაში არსებული სამართლებრივი ცნება მეორეში საერთოდ არ არსებობს. ამიტომ, მთარგმნელმა უნდა გამოიყენოს ფუნქციური ეკვივალენტობის პრინციპი — იპოვოს ისეთი ტერმინი, რომელიც სამიზნე ქვეყნის კანონმდებლობაში იწვევს იმავე სამართლებრივ შედეგს, რასაც ორიგინალი.
იურიდიულ დოკუმენტში ერთი მძიმის არასწორ ადგილას დასმამაც კი შეიძლება რადიკალურად შეცვალოს წინადადების აზრი. განსაკუთრებით "სახიფათოა" მრავალგვერდიანი წინადადებები, რომლებიც დამახასიათებელია ანგლო-ამერიკული (Common Law) სამართლისთვის. პროფესიონალმა უნდა შეინარჩუნოს ტექსტის სტრუქტურა ისე, რომ არ დაიკარგოს ლოგიკური კავშირი პუნქტებს შორის.
მთავარი სირთულე მდგომარეობს იმაში, რომ ხშირად გვიწევს ტექსტის თარგმნა კონტინენტური სამართლის სისტემიდან (მაგ. საქართველო, გერმანია) ანგლო-ამერიკულ სისტემაში (აშშ, დიდი ბრიტანეთი). ეს სისტემები ფუნდამენტურად განსხვავდება, რაც მოითხოვს მთარგმნელისგან არა მხოლოდ ენობრივ, არამედ იურიდიულ განათლებას.
უმაღლესი ხარისხის მისაღწევად ვიყენებთ ე.წ. „ოთხი თვალის პრინციპს“, რაც მნიშვნელოვნად ამცირებს ადამიანური შეცდომის დაშვების რისკს. იურიდიულ თარგმანში თუნდაც უმნიშვნელო შეცდომამ პუნქტუაციაში შეიძლება შეცვალოს მუხლის შინაარსი, ამიტომ თითოეული დოკუმენტი გადის რამდენიმე საფეხურიან შემოწმებას.
პროცესი იწყება დარგის სპეციალისტი თარჯიმნის მიერ პირველადი თარგმანის მომზადებით, რის შემდეგაც დამოუკიდებელი რედაქტორი ადარებს დედნის და ნათარგმნი ტექსტის შინაარსს. რედაქტირების ეტაპზე განსაკუთრებული ყურადღება ექცევა ტერმინოლოგიურ სიზუსტესა და სამართლებრივ სტილისტიკას.
ხარისხის კონტროლის დასკვნითი ეტაპია კორექტურა (proofreading), რომლის დროსაც მოწმდება გრამატიკული სიზუსტე, თარიღების სიზუსტე და რიცხვები. ჩვენ ასევე ვზრუნავთ, რომ ნათარგმნი დოკუმენტის ვიზუალური მხარე მაქსიმალურად შეესაბამებოდეს ორიგინალს, რაც მნიშვნელოვნად ამარტივებს მათ შედარებას ოფიციალურ უწყებებში.
აღნიშნული მკაცრი კონტროლის მეთოდოლოგია გვაძლევს საფუძველს, დარწმუნებით განვაცხადოთ, რომ ჩვენი თარგმანი არის უმაღლესი ხარისხის და მზად არის ნებისმიერი დონის იურიდიული ექსპერტიზისთვის. ჩვენი მიზანია, კლიენტმა მიიღოს არა უბრალოდ თარგმანი, არამედ სრულყოფილი იურიდიული პროდუქტი.
იურიდიული თარგმანი მოიცავს სამართლებრივი შინაარსის დოკუმენტების (ხელშეკრულებები, სასამართლო გადაწყვეტილებები, კანონმდებლობა, მინდობილობები) გადატანას ერთი ენიდან მეორეზე. ის რთულია, რადგან მოითხოვს არა მხოლოდ ორ ენას შორის ზუსტ ლინგვისტურ შესაბამისობას, არამედ ორი სხვადასხვა ქვეყნის სამართლებრივი სისტემების (მაგალითად, კონტინენტური და საერთო სამართლის) სიღრმისეულ ცოდნას.
ჩვეულებრივ თარგმანში დასაშვებია პარაphrase (აზრობრივი გადაფორმულირება) და სტილისტური თავისუფლება, ხოლო იურიდიულ თარგმანში უმთავრესია აბსოლუტური სიზუსტე, ტერმინოლოგიური ერთგვაროვნება და სამართლებრივი კონტექსტის უცვლელად შენარჩუნება. უმცირესმა ორაზროვნებამაც კი შეიძლება შეცვალოს ხელშეკრულების ან კანონის იურიდიული ძალა.
ნოტარიული დამოწმება ადასტურებს მთარგმნელის ხელმოწერის ნამდვილობასა და მის კვალიფიკაციას. ეს პროცედურა თარგმნილ დოკუმენტს ანიჭებს ოფიციალურ იურიდიულ ძალას, რაც აუცილებელია მისი სახელმწიფო უწყებებში, სასამართლოში, ნოტარიუსთან ან უცხოურ დაწესებულებებში წარსადგენად.
აპოსტილი და კონსულარული ლეგალიზაცია ადასტურებს დოკუმენტზე არსებული ხელმოწერისა და ბეჭდის ნამდვილობას საერთაშორისო დონეზე. თუ დოკუმენტი წარსადგენია ჰააგის კონვენციის წევრ ქვეყანაში, გამოიყენება აპოსტილი, ხოლო სხვა ქვეყნებისთვის საჭიროა კონსულარული ლეგალიზაცია, რათა თარგმნილი დოკუმენტი ცნობილ იქნეს უცხო სახელმწიფოს მიერ.
არაზუსტმა ან შეცდომით შესრულებულმა იურიდიულმა თარგმანმა შეიძლება გამოიწვიოს:
ძირითადი დოკუმენტებია:
სხვადასხვა სამართლებრივ სისტემაში მრავალი ტერმინი ინდივიდუალურია და პირდაპირი ეკვივალენტი არ გააჩნია. მაგალითად, ანგლო-ამერიკული სამართლის (Common Law) მრავალი ცნება არ არსებობს კონტინენტური სამართლის (Civil Law) სისტემაში. ასეთ დროს მთარგმნელს მოეთხოვება აღწერითი თარგმანის ან შესაბამისი განმარტებითი სქოლიოების გამოყენება.
იურიდიული დოკუმენტები ხშირად შეიცავს სენსიტიურ პერსონალურ მონაცემებს, კომერციულ საიდუმლოებას ან ფინანსურ ინფორმაციას. კონფიდენციალურობის შეთანხმების (NDA) ხელმოწერა ავალდებულებს მთარგმნელსა და თარგმანის ბიუროს, არ გაამჟღავნონ დამკვეთის ინფორმაცია მესამე პირებზე.
თარგმნის ღირებულება დამოკიდებულია რამდენიმე ფაქტორზე: ტექსტის მოცულობა, ორიგინალი და სამიზნე ენა, თარგმნის ვადა და სხვა ფაქტორები. სტანდარტული გვერდის თარგმნის ღირებულება 20-30 ლარის შუალედში მერყეობს. ზუსტი ფასის გასაგებად გადმოგვიგზავნეთ თქვენი დოკუმენტაცია info@targmna.com.ge და ჩვენი მენეჯერი მალევე გაცნობებთ პასუხს.
სტანდარტულ გვერდად მიიჩნევა 1800 სიმბოლო დაშორებების ჩათვლით რაც დაახლოებით არის 275 სიტყვა.
დიახ, ჩვენი ნათარგმნი დოკუმენტაცია შეგიძლიათ წარადგინოთ საზღვარგარეთ საელჩოებში, სასამართლოებში, სამთავრობო უწყებებში და სხვა ოფიციალურ ორგანიზაციებში. საჭიროების შემთხვევაში გთავაზობთ როგორც ნოტარიულად დამოწმების, ასევე ლეგალიზაციის სერვისს.
სტანდარტული პირადი მონაცემების ამსახველი დოკუმენტის თარგმნა (მაგალითად, დაბადების მოწმობა, ქორწინების მოწმობა და ა.შ.) შესაძლებელია იმავე დღეს. თუმცა ისეთი დოკუმენტები, როგორიცაა: საპარტნიორო ხელშეკრულებები, კორპორატიული წესდებები ან მსგავსი მოცულობითი ტექსტები ინდივიდუალურად განიხილება. მოცულობის და სირთულის მიხედვით შესაძლოა დიდ იურიდიულ დოკუმენტებს რამდენიმე დღე ან კვირაც დასჭირდეს.
8 წლიანი გამოცდილება აქვს იურიდიული დოკუმენტების თარგმნაში. ის ფლობს ILEC (International Legal English Certificate) სერტიფიკატს და მისი ძირითადი თარგმნელობითი მიმართულებაა საერთაშორისო სამართლებრივი საბუთების თარგმნა.
